DIKOTOMIA

Proiektoseko klase batean dikotomiei buruz hitz egiten aritu ginen eta bertan konturatu ginen gure bizimodua eta pentsatzeko era hein handi batetan dikotomikoa zela. Horren adibide garbiak dira, zerbaiten iritzia ematerakoan ondo edo gaizki, bai edo ez, pentsamoldean beltza edo zuria, ezkerra edo eskuina…

 Bi muga horien artean, ezer ez dagoela uste dugula ematen du, beltza eta zuriaren artean beste kolore batzuk daudela ahaztuaz edo ongiaren eta gaizkiaren artean ere tartekoa dagoela ahantziz.

Klasean bertan arbelean dozenaka dikotomia aurkitu genituen, batzuk arkitekturari lotuak, eta beste asko bizitzari edo beste gai ugariei buruzkoak. Nik zuzena eta kurbaren arteko dikotomia aukeratu nuen. Hasieran dikotomia hori nola enfokatu ez nekien arren interesgarria iruditu zitzaidan horri buruzko hausnarketa egitea, arkitekturarekin oso lotua ikusten nuelako eta etorkizuneko proiektuetan erabilgarria ikusten nuelako.

Maketaren azalpena:

Zuzena eta kurba, esfera eta kuboa, Le Corbusierren dokumental bat ikusi ostean pertsonai batek egin zidan galderarekin hasi zen. Zein zen zuzenaren eta kurbaren arteko? Zein euren arteko gatazka?  Dikotomien proiektu hau ikusita horren inguruan hausnartzeko posibilitatea nuela ikusi nuen.

 Hasiera batean bien artean zer zegoen galdetzen nion nire buruari ez kurba ezta zuzena ez zen objektu edo forma bakarra puntua zela bururatzen zitzaidan baina erantzun horrek ez zidan lan adina asetzen.

 Orduan buruari buelta batzuk eman ostean kosmosean irudikatzen hasi nintzen, asteko esfera bat, gero esfera multzoa bata bestearen gainean ortogonalki jarriak. Hor ikusi nuen orduan, bata bestearen gainean zeuden esfera multzoak kuboa sortzen zuen eta hor konturatu nintzen gauza desberdinak izan harren, gauza bera zirela. Hori orduan zuzena eta kurbara eraman nuen eta kurba bat zuzen nola izan zitekeen edo zuzen bat kurba pentsatzen hasi nintzen. Hor otu zitzaidan nire maketaren ideia, zuzen bat ze ikuspuntu edo ze dimentsiotatik begiratuta zuzen bezala edo kurba bezala ikus zitekeen eta alderantziz, objektu berdina bi gaza ezberdin izanaz, hau da zuzen bat kurba bilakatuz eta kurba zuzen.

Hori maketara eramateko, kosmos hori nola irudikatu pentsatu nuen. Kutxa beltz bat egitea otu zitzaidan. Goialdeko azalean leiho bat eginaz eta albo bateko azalean ere bai. Bi leiho horiek kosmos horretako dimentsio ezberdinak izango liratekeelarik. Bertan sartu nuen forma. Goiko azaletik kurba formaduna eta alboko azaletik zuzen formaduna.

Momentu horretan konturatu nintzen honek beste edozein dikotomientzako ere balio zuela, batzuetan dikotomiako bi mugen artean zer dagoen argi ikusten ez baldin badugu ere, askotan angelu edo dimentsio ezberdinetatik ikusiaz gauza bera direla konturatuko gara.

Arkitekturan ere, ikuspuntu batetik marra zuzen itxurako forma beste ikuspuntu batetik kurba izan zitekeela ikusi nuen.